SERVE THE PEOPLE!
Name: bill andres
isang taong walang hinangad kundi ang maglingkod na walang hinihintay na kapalit
ayesha osop
bayan
bayan socsksargen
hazel o. caberoy
ibon foundation incorporated
ronel acollador
visited *loading* times
Enero 20, usa ka makasaysayanong adlaw alang sa mga Pilipino. Napagpalagpot ang pahirap, pasista, papet ug kurap na presidenteng Erap. Mipuli si GMA isip presidente. Apan ang pangutana sa katawhan, anaa ba’y kabag-ohan?
Tataw nga nalimtan na ni GMA ang diwa sa Edsa. Human niining napahimuslan ang kadaugan nga nakab-ot sa katawhan niadtong Edsa 2, dali-dali niining gitalikdan ang mga panawagan sa katawhang nalumos sa kalisod. Buot pud niining tuison ang kamatuoran nga anaa sa katawhan ang paghukom sa pagbag-o sa nasud sa pag-ingon nga wala na’y laing makasalbar sa krisis sa nasud kungdili sya lamang.
Sama sa pagpangita sa kamatuoran sa ikaduhang envelop sa Erap impeachment, wala gihapon gitugutan ni GMA ang pagpagawas sa kamatuoran sa Eleksyon 2004 pinaagi sa kaylap nga pagpamakak ug mapitulong mga balaod.
Mas labaw pa ang kalisod ang atubangon sa katawhan labi na nga pursigidong giduso ni GMA ang Charter change. Bisan walay klarong konsultasyon bahin niini, dali-daling gipasa sa Consultative Commission ang ilang rekomendasyon alang sa mga amyenda sa konstitusyon. Apan ang kamatuoran niini mao ang pagpabilin ni GMA sa poder pinaagi sa pag-ilis sa porma sa gobyerno ngadto sa parliamentaryo-federal. Giduso kini, bisan pa man, luyo sa nagkalapad ug nagkakusog nga panawagan sa pagpalagpot kaniya sa malakanyang. Mas labi pa, nagpakita lamang kini ang pagkaitoy ngadto sa mga imperyalista diha sa mga probisyong magtugot sa 100% pagpanag-iya sa yuta, kumpanya ug uban pang kabtangan ug ang pagbaligya sa patrimonya sa nasud sama sa liberalisasyon sa industriya sa mina. Samtang sukwahi kini sa panawagan sa katawhan alang sa tinuod nga reporma sa yuta, nasudnong industriyalisasyon ug kalingkawasan gikan sa pagpanghilabot sa mga langyaw.
Unsa man para sa kabus nga katawhan ang Charter Change kung dala niini dugang lamang nga pagpalisod-lisod ug pagpanghilabot sa mga imperyalista? Unsa man para sa kabus ang pag-ilis sa porma sa gobyerno kung ang magpadayon nga maghari ang mga mapahimuslanon?
Pangutan usab sa katawhan, asa na ang hustisya alang sa mga biktima sa Mendiola Massacre? Enero 22, madugong gisugat sa bala ni Cory Aquino ang nagprotestang mag-uuma alang sa yuta. Hangtud karon idlas gihapon ang hustisya alang kanila. Sama kaidlas alang sa mga biktima sa Hacienda Luisita Massacre ug mga pagpamatay sa mga lider-aktibista. Dili gayod matungkad ang kapasista ni GMA ug ang sistemang giharian niini.
Krisis... kawalay hustisya...
Atangi...Ang sunod nga kapitulo...Pebrero 1, 12% VAT ni GMA...
PALISOD SA MASA, PALAGPUTON NI GLORIA!
