SERVE THE PEOPLE!
Name: bill andres
isang taong walang hinangad kundi ang maglingkod na walang hinihintay na kapalit
ayesha osop
bayan
bayan socsksargen
hazel o. caberoy
ibon foundation incorporated
ronel acollador
visited *loading* times
Matud pa ni Bill Andres, Spokesperson sa Bayan – Socsksargen, “Nabati nato ang kalit nga pagsaka sa mga presyo sa batakang palaliton ug serbisyo labi na sa produktong petrolyo. Karong Disyembre, mabati na nato ang epekto ngadto sa balayronon sa kuryente. Apan, nabutyag na gayud nga ang nag-unang katuyoan sa pagpahamtang sa buhis mao ang pangbayad sa utang panggawas ug dili alang sa batakang serbisyo sa katawhan. Buot ipasabot, ginapasa ngadto sa katawhan ang palas-anon sa pagbayad sa utang panggawas nga naadto lamang sa corrupt activities sa gobyerno, labi ngadto sa pagpanikas ni Gloria sa Eleksyon 2004.”
“Samtang walay puas nga pagsaka sa presyo sa mga palaliton, giilad lamang ni Gloria ang mga mamumuo sa paglaom nga mapasa na ang legislated wage. Apan dali-dali niining gibakwi ang panaad sa panahong wala niuyon ang mga dagkung langyaw’ng korporasyon. Ug tungod kay ang legislated wage sukwahi usab sa palisiya sa IMF-World Bank ug sa mando sa amo ni Gloria nga ang imperyalistang Estados Unidos.” Dugang pa ni Andres.
Gikondena usab sa KARAPATAN ang mapadayunong pagpanupil sa mga progresibong grupo ug sa katawhan. “Sunod-sunod ang pagpamatay sa mga lider-aktibista ug myembro sa mga progresibong grupo sa lain-laing dapit sa Pilipinas. Gilunsad usab ang kampanyang pagpaniktik sa mga kritiko ni Gloria. Ug gani dinhi sa Heneral Gihandum usab sa militanteng organisasyon sa kababayen-an, ang Gabriela ang International Day for the End of Violence Towards Women. Sa pamahayag ni Blanche Yamba, Coordinator sa Gabriela – Gensan, “Gikondena nato ang walay pagpakabana ni Gloria ang pagpanalipod sa kababayenhan batok sa pagpanupil sa katungod niini. Labi na atong, gipanawagan ang pagkab-ot sa hustisya alang sa biktima sa Subic Rape Case batok sa 6 ka US Marines, ug busa atong gipanawagan usab ang pagbasura sa VFA nga maoy nagtukod sa pagsulod sa US Troops sa Pilipinas.”
Gipanawagan sa maong grupo ang pagpalagpot ni Gloria gikan sa poder. “Walay laing kasangputan sa desperadong mga lakang ni GMA nga magpabilin sa poder mao ang mapalagpot kini gikan sa Malakanyang. Ginapasamot lamang ni Gloria ang kasuko sa katawhan diha sa padayong paglilisod sa katawhan ug pagpanupil sa katungod sa katawhan.” Matud pa ni Andres.
Ang lihok sa protesta sa Gensan isip duyog sa tibuok nasud nga nagpahigayon og koordinadong lihok protesta. Adunay kapin libo ang nagduyog sa lihok protesta nga naggikan sa probinsya sa Sarangani, Polomolok ug
|
N
|
abutyag na ang pagkadesperado ni Gloria nga magpabilin sa poder. Bisan pa man luyo sa nagkalapad ug nagkakusog nga panawagan sa pagpalagpot diha poder, wala’y puas ang pagpangatake niini sa mga kritiko labi na batok sa mga lider aktibista ug media. Bagag nawong nga gipasigarbo ni Gloria sa tibuok kalibutan nga kusog gihapon ang suporta sa katawhan bisan sukwahi kini sa mga resulta sa surbeys.
Dili malilong ni GMA ang nahimong epekto sa katawhan ang pagpatuman sa EVAT Law. Nasinati ang kalit nga pagsaka sa presyo sa mga batakang palaliton ug serbisyo. Dili matungkad ang pagsaka sa presyo sa gasolina, LPG ug uban pang produktong petrolyo. Sa umaabot nga Disyembre, mabati na nato ang pagsaka sa balayronon sa kuryente. Nabutyag usab na ang kapadulngan sa makolekta sa EVAT mao ang pangbayad sa utang panggawas ug dili sa serbisyo sosyal.
Samtang walay puas ang pagsaka sa presyo sa palaliton, nabutyag usab ang pagkawalay baruganan ni Gloria sa hisgutanang usbaw sa suhulan. Giilad lamang niiini ang mga mamumuo sa paghatag og paglaom sa pagpasa sa legislated wage apan dali-dali niining gibakwi sa panahong wala niuyon ang mga dagkung langyaw’ng kapitalista. Karon, anaa na usab ang mga malinglahong panaaad ni Gloria alang sa mga mamumuo, apan wala kita’y malauman hangtud dili mapasa ang legislated wage.
Samtang nagpadayon ang pagpanglingla ni Gloria sa mga reporma sa ekonomiya, gilunsad niini ang kamapanyang paglikida sa mga liger aktibista ug mga myembro sa mga progresibong grupo. Sunod-sunod ang pagpamatay sa mga aktibista sa lain-laing dapit sa Pilipinas. Summary Execution ug pagmasaker ang nahimong tubag ni Gloria sa mga lehitimong demanda sa mamumuo ug mag-uuma.
Dinhi sa Heneral Santos, nabutyag ang kampanya sa Militar nga pagpaniktik sa mga progresibong grupo pinaagi sa pagkuha og video ug picture sa mga kalihukan aron gamiton batok sa organisasyon diha sa ilang community forums. Ug sa tibuok rehiyon, anaa na sa 2nd phase ang implementasyon sa Re-engineered Special Operations Team (RSOT) kung diin ginasudlan ang mga barangay aron dauton ang mga progresibong grupo ug hawanan ang dalan sa pagsulod sa langyaw’ng kompanya sa plantasyon ug mina.
Nabutyag usab ang pagkaitoy ni Gloria sa US. Daku ang gikatabang sa aron magpabilin sa poder si Gloria pinaagi sa pagkampanya nga walay laing alternatibo nga mohulip kang Gloria. Nabutyag usab ang pagpanghilabot niini sa pulitikanhong kalihukan nga nabutyag sa mga taho ni Mussomelli sa State Department sa US. Sa pagtambong niini sa APEC Forum sa
Wala’y laing ka sangputan sa mga malinglahon ug bangis nga kalihukan ni Gloria kung dili ang mapalagpot kini gikan sa poder. Ang padayong pagpalisod ug pagpamitol sa katawhan mao ang magtukmod sa katawhan alang sa ka hugot nga panaghiusa sa pagpanawagan alang sa tinuod nga reporma sa ekonomiya ug pulitika.
SOBRA NA ANG PAGPALISOD!
PALAGPUTON ANG REHIMENG US-ARROYO!
